~SUN~ Pictures, Images and Photos

الثلاثاء، 16 ديسمبر 2008

الجربانين المقملين أهمه !!

Get this widget Track details eSnips Social DNA


مش عارف ليه يا جماعه النهارده هفه عليا روح أكتوبر .. حاسس كده بالتفاؤل و بالروح الوطنيه المصريه الأصيله بتسرى فى دمى و حابب كل حاجه فى مصر .. هواها و ترابها و سماها و زرعها و ناسها و دوشتها و زحمتها و مطباتها ما عدا اللى بالى بالكم هو و عياله و مراته ..
بصوا على الصوره اللى فوق دى كده و شوفوا عيالنا لحمنا و دمنا العيال الفلاحين ولاد الفلاحين و هم آسرين الآلاف من الكلاب اليهود اللى منظرهم جربانين و مقملين و عملوا من نفسهم أسطوره بالأونطه !! أهم ولاد ترابنتين الكلب و ولادنا ساقينهم الذل من كيعانهم من غير لا سحر و لا شعوذه لكن بقوة السلاح ..
و لا شوفوا الصوره دى

ده الظابط الاٍسرائيلى قائد موقع عيون موسى على الضفه الشرقيه للكنال و كان بيصب الجحيم ليل و نهار على مدينة السويس قبل الحرب و كان السوايسه مسمين الموقع بتاعو موقع أبو جاموس علشان مدفعيته كانت بتلوش فى السويس بدون تمييز زى الجاموسه !!
بصوا عليه بقى و هو بيستسلم للمقدم المصرى اللى زى العسل ده و بيسلمه العلم الاٍسرائيلى اللى كان مرفوع على موقعه و بيؤدى له التحيه العسكريه هع هع هع
آل الجيش اللى لا يهزم آل !! يا اخى النه

طيب بصوا معايا بقى على الصوره دى و أضحكوا :))


ده بقى ظابط تانى أبن كلب اٍسرائيلى وقع أسير فى أيدين ولادنا تانى بوم الحرب .. عارفين أيه اللى يضحك فى الصوره ؟ البؤس و التعاسه و الترقب و الوكسه اللى على خلقته و اللى بيفكرنى بالعروسه فى الفلاحين اللى مستنيه الدخله البلدى هع هع هع

يا حلاوتك يا مصر لما بتقومى .. يا حلاوة ولادك لما بيتنفضوا على عدوهم .. عارفين عساكر رمسيس التانى اللى كانوا فلاحين على بحاروه على صعايده كانوا بيعدوا أسرى الحيثيين اٍزاى ؟؟ كانوا بيقطعوا كفوفهم الأتنين علشان ما ينفعوش يحاربوا المصريين تانى !!
عملناش اٍحنا كده بقى ؟؟
أصلنا للأسف طيبين مش فراعنه ..

هناك 10 تعليقات:

صبرني يارب يقول...

يا لهوي عليك يا عمرو
هههههههههههههههههههههههههههههه

نص البلوج هايسألك يعنى ايه دخله بلدي على فكره

لما بتقوم يا عمرو لمااااااااااااااااا

لما حد يسيبها تقوم اساسا

هييييييييييه دنياااااا

خمسة فضفضة يقول...

السلام عليكم ورحمة الله وبركاته

لا علي فكره انا حسيته اكنه قاعد مستني الحلاق اللي هايخدهاله علي الزيرو زي اللي بيبقوا داخلين السجن اول يوم ، ولا انت مش شايف شكل شعره عامل ازاي
ههههههه

طيب علي راي مفيد فوزي اسمحلي أسألك و أحرجك و أنزنقك في ركن المدونه واقولك وده من ايه وايه اللي خالاها تهف عليك انهارده بالذات

واوعي تقولي حذاء منتظر الزيدي احسن خلاص انا قربت اجنن من كم الناس اللي عماله تتكلم عنه وحاسه انهم بعد شويه هايبنوا مقام للجزمه ويقعدوا يلفوا حواليه ويقولوا نحن غرابه عت عت


سلام

عمرو يقول...

صبرنى يا رب
:))
حأقول لهم ما أعرفش أنا سمعتها كده أصلها ماكنتش على أيامنا :))
لا و الله يا أم خالد مصر ليها مفاجآت بتذهل الدنيا حتى المصريين نفسهم و بتحصل رغم كل حاجه و رغم أنف أى حد
بس كل شىء بميعاده

عمرو يقول...

خمسة فضفضة
و الله يا دكتوره الاٍحساس ده عندى دايما لكن بتجيلى أيام كده بيتكثف فيها الاٍحساس ده بدون سبب ظاهر
و صدقيتى لأ مش موضوع جزمة منتظر اللى أحيت جوايا هذا الشعور اٍمبارح و لو أن طبعا ده موقف يستاهل التسجيل لأنه شجاع و نادر الحدوث
بس على أى وضع منظر الظابط الاٍسرائيلى ده يثير الشفقه :))

princess يقول...

هههههه
انا لما قرايت العنوان كنت داخلة ببيؤسول بقى او اى حاجة عشان الحشرات وكده:)
اول مرة اضوف حد بيتكلم عن اكتوبر فى اخر السنة ههههه
هو موضوع الشوز اللى مخلنى الوطنية تصحى فينا كلنا ههههههه
البوست مختلف:)
تحياتى

أسامة وغيداء يقول...

بوست جميل جدا
كل الشكر لك يا عمرو

شمس النهار يقول...

في ايه ياعمرو طب الفراعنه كانوا جبارين
انت عايز حقوق الانسان تاكلنا
وبعدين الرسول اكرم الاسري واستفاد منهم وخلاهم يعلموا المسلمين كمان

عمرو يقول...

princess
عادى يعنى أكتوبر ده ممكن تكلمى عليه طول السنه و الكلام برضو ما يخلصش
مش بس موضوع الجزمه هو اللى أيقظ فيها الروح دى و لكن ساعات كتيره كده بتهف عليا يمكن لأنى عشت الأيام دى بتفاصيلها و فاكرها كويس جدا
تحياتى و شكرى للزياره و التعليق

عمرو يقول...

أسامه و غيداء
متشكر و أهلا و سهلا بيكم نورتوا :)

عمرو يقول...

شمس النهار
الكفار ما قتلوش أسرى المسلمين
و لا عمرنا سمعنا عن حد قتل الأسرى العسكريين و المدنيين على حد سواء سوى الاٍسرائيليين و الغريب أنهم بيعترفوا و بيقروا بده فى وسائل الاٍعلام بمنتهى البجاحه و قلة الأدب
طيب فين هنا بقى حقوق الاٍنسان ؟
و بعدين الرسول صلى الله عليه وسلم علمنا برضو أن العين بالعين و السن بالسن و البادى أظلم و أن كمان العقاب لازم يكون من جنس العمل صح ؟