فى ستين داهيه 2008فى ستين ألف داهيه تاخدك يا سنه بنت كلب كئيبه ..
كل أيامك كانت قرف و ذل و قلق و زرع عطشان و تجبر بغير حدود من فرعون و هاماناته ..
و آديكى أتختمتى بمجزرة الغزاويه يا سنة الحزن الأسود ..
و آدى أختك 2009 هلت لما نشوف شايله لنا أيه فى عبها هى رخره و غالبا حتبقى جربانه زيك ..
طيب حنستقبلها أزاى البت 2009 دى كمان ؟؟!!
بأى نفس يعنى ؟؟!!
مين الجبله اللى حيجيله نفس يحتفل بطلتها الكئيبه وسط عرس الدم الغزاوى العربى اللى فى ريحنا ؟؟!!
السنه دى يا جماعه الاٍحتفال لا فيه حشيش و لا خمره و لا أنى شئتم يمكن ربنا يرفع مقته و غضبه عننا ..
السنه دى الاٍحتفال حيكون بالدعاء كما ذكرته أختنا صبرنى يا رب ربنا يبارك لها فى عيالها و عافيتها ..
بس لأجل الحق يا بت يا 2008 يا كئيبه أنتى ما كنش فيكى حاجه حلوه غير هدية ربنا اللى بعتها لى ذات صباح جميل ما يتنسيش أبدا (اٍعترضى بقى و قولى يا كسوفى يا كسوفى) ..
هناك 31 تعليقًا:
ههههههههههههههههههه عندك حق والله كانت سنه كئيبه وكلها احزان واهي اول سنه 2009 بشاير الهنا ربنا يسرها يارب
استبشرالخير ياعمرو ان شاء الله
تكون هذه السنة بداية لنهاية حاجات وحشة كتير
يارب يا من تذل لك الوجوه
اعزنا بعزتك واذل الظالمين
اللهم امين
عام سعيد ان شاء الله
عمرو مجتاجه لك عندي او عند محمود رئيس جمهوريه نفسي ممكن انت معاك فرنساوي ترجم بقى
السلام عليكم ورحمة
الله تعالى وبركاته
تفتكر القادم
احلى ولا(...)
أنا بقول (...)
لان المقدمات تدل
على النتائج
ومقدمتنا اللى
هى 2008 انت ادرى بيها !!
يارب يخلف ظنى وتكون 2009احلى
ياااااااااااااااااااااااارب
علي رايك سنه اسفه في الكلمه بنت ستين كلب
انا مش طيقاها
ومش عايزه السنه الجديده كمان
وصول لمرحله الموت اهون
استغفر الله العظيم
طيب والله كويس انها سايبالك ذكرى حلوة ...هى إيه ؟هى إيه ؟
اما أنا عن نفسي فا أفتكر لك إيه يا بصلة غير كل قطمة بدمعة .
هايحصل إيه ف 2009 ؟؟؟؟؟؟؟؟؟؟؟؟أدينا هنتفرج
على الله يكون خير
بس ماحدش يطلع يقولي عام مبارك عليكوا الحكاية مش ناقصة
كل سنة وانت طيب وبخير
كل سنه و انت طيب و يرب 2009 تكون سعيده
انا حبيت 2008 اوي و كنت سعيده فيها
دائما ما نقول القادم لن يكون اسوء من اللي فات و كل سنه نقول كده و مش عارف يااخي ليه ما بيحصلش
لكنه التفائل يا صديقي بان بكرة احلي من النهاردة
بالامس ارضك بور اليوم هتطرح نور
تحياتي
حاسوباتيه
على رأيك ربنا يسترها لحسن بشاير 2009 بانت أهيه من أولها
ماما أموله
أستبشر خير بأيه يا ماما ؟؟
قولى لى حاجه واحده تدعو للتفائل
حاجه واحده بس
و أنتى طيبه يا ماما و يخليكى لينا دايما و ربنا يستجيب لك يا رب
Appy
بدأت فعلا الترجمه و حتكون جاهزه النهارده اٍن شاء الله
ربنا يكرمك على جدعنتك و شهامتك و وقوفك جنب المظلومين
norahaty
القادم أسوأ
أؤكد لك اٍن القادم أسوأ ما لم تحدث معجزه اٍلهيه
عاشقه و غلبانه
لا و آسفه ليه ؟؟
هى فعلا سنه كانت ما يعلم بيها اٍلا ربنا
بس بلاش فكرة الموت يا عاشقه .. تمنى الموت يبقى حالة يأس غير مسبوقه .. أدينا حاطين أملنا فى الله يعمل معجزه بقى من عنده و يحلها بمعرفته
سنابل القمح
الحقيقه أن 2008 أدتنى هديه أرجو أن أعرف أحافظ عليها حتى آخر يوم فى عمرى لأنها أصلا هديه من عند ربنا قلما يقابل الاٍنسان زيها فى حياته :)
ربنا يلطف بينا و الله يا سنابل
EmY
و أنتى طيبه و اٍن شاء الله سنة 2009 تكون حلوه عليكى زى سنة 2008
متشكر للمرور و التعليق
أحوال الهوى
صباح الخير يا صديقى الشاعر الجميل الرقيق
كل سنه و أنت و العائله بألف صحه و خير و متشكر و الله على كلماتك اللى أدتنى نفحة أمل كده فى اللى جاى
و الله عندك حق يا صديقى و أدعو الله بجد أن تكون السنه الجايه أحسن من اللى فاتت آمين يا رب
عمال تشتم في 2008 عملت لك ايه
ماهي كل سنه بتعدي بتكون اسواء من اللي قبلها
هاتي لي سنه واحده من يوم مااتولدت الناس شكرتلك فيها
مافيش
لأن هي دي الحياه
بس بتكون سنه اخف شويه من اللي قبلها في الكوارث والمصايب اللي اصلا الناس نفسهم السبب فيها
المهم
انا بالنسبه لي 2008 كانت سنه نسبيا حلوه
بقول لك ايه
كل سنه وانت طيب ياراجل ياطيب علشان الراسين الهجريه والميلاديه
ووحياة راس والديك كفايه غم كفايه علينا غزه واللي منها
هاى
على فكرة احنا بقالنا كذا سنة بنقعد نقول دى كانت اسوء سنة مش عارفة يعنى الافضل هنشوفه امتى
عموما اى حاجة ليها جانب كويس زى ماقلت مثلا فى اخر البوست بتاعك:)
هنحاول ندور على حاجة كويسة نبقى نفتكرها بيها
كل سنة وانت طيب
تحياتى
يمضى الزمان وتنقضى أيامه
والهم فيها بكرة وعشيا
ويجىء عام بعد عام قد مضى
والحالة برضو مقرفة وموش هيه
يا هلترا الفين وتسعة زيهم
والا اللى جاى أحسن ولو بشويه
بين ماض لا نمتلكه ومستقبل لا نعرفه نتمنى من الله تعالى أن يجعل أيمانا أكثر رضا وسعاده
أمنياتي
الجميل عمرو
2008 عدت
2009 بدأت يبق لازم نستعد ونحاول احنا نرسمها بايدينا
بدل ما نسيب غيرنا يرسمها وبرضه هتكون وحشة
تحياتى
السلام عليكم ورحمة
الله تعالى وبركاته
صبيحة عام جديد
ارجو من الله أن يكون سعيد
اقولك اللهم نصرك على الاعداء
اللهم نصرك اللهم نصرك اللهم نصرك
صباح الخير أستاذ عمرو
وكل سنة وانت طيب
(متهيأللى انا اول
ايميل فى السنة الجديدة؟؟)
شمس النهار
صباح الخير يا شموستنا فى أول يوم من السنه الجديده ربنا يجعلها سنه خضرا آمين يا رب
يا ستنا 2008 كانت سنه رخمه و كئيبه و مليانه بالمنغصات يمكن بالنسبه لى خصوصا حيث أنها شهدت تهديد لأرضى اللى شقيت شقاء غير معقول لتخضيرها و الأرض عندى يا شمس أغلى من الحياه ذاتها بجانب طبعا ما كان من أحداث جسام هزتنا جميعا و آخرها مجزرة غزه اللى ذبحت قلوبنا حزنا و كآبه
و أنتى طيبه يا شموسة المدونات و ربنا يتقبل منك الحج و بعوده يا رب
تحياتى و كل سنه و أنتى طيبه
ملحوظه : بجد بجد 2008 أهدتنى أجمل هديه نلتها فى حياتى :)
princess
و حياتك يا برنسيس لو أفتكرتى حاجه كويسه فى 2008 اٍبقى عرفينى الله لا يسيئك و لو أنى أشك :))
ماكس بتاع زمان
نتمنى اللى جاى يا عم ماكس يكون أحسن شويه قول يا رب :)
مدونتك حلوا أوى بجد
من غير عنوان
راضيين و صابرين يا صديقى ربنا يجعل القادم أحسن بقدرته الاٍلهيه آمين يا رب
الأزهرى
صديقى العزيز كل سنه و أنت طيب و ربنا يوفقك فى أعمالك كلها
عندك حق فى كلامك لكن فيه جانب كبير من الحياه مفروض علينا فهرا و فسرا و ده اللى غالبا بييجى منه النكد
أتمنى أن تكون الأيام القادمه تحمل فى طياتها الخير و السعاده للجميع
تحياتى و شكرى للمرور و الزياره
norahaty
صباح الخير يا أختنا العزيزه فى أول صباح من العام الجديد و كل سنه و أنتى و الأسره بألف خير
أتمنى الخير و البركات للجميع و ربنا قادر على جعل الحياه جميله و هادئه و رائعه و لكنه لحكمه جعلها خليط من السعاده و الشقاء تتوالى خلف بعضها كتوالى الليل و النهار
يا رب تكون سنه حلوه على الجميع
تحياتى و شكرا للتهنئه
وانا معاك كمان
في 60 داهيه
عمرو
انا البوست ده وقع مني ازاي ؟؟؟؟
مش عارفه المهم يعنى انه وقع انا استغيبتك كنت جايه اقولك انت فين
وحياتك 2009 بتهيألي مش هاتختلف كتير
بس الامل فى ربنا كبيييييييير دايما
وشكرا على البؤين الحلوين فيا
هو يوميها الصبح حصل ايه اه؟؟ حصل ايه ايه ؟؟ مين اه مين ؟
هههههههههههههههههههههههههه
كل سنه وانت بخير يارب يا عمرو انت واهلك وحبايبك كلهم
I will pass on your article introduced to my other friends, because really good!
إرسال تعليق