الاثنين، 28 سبتمبر، 2009

مشهد عبقرى !!

هناك 35 تعليقًا:

'' حطام (ك) بقايا '' يقول...

ياااااااااااااااااه
قد ايه جامد الفيديو ده
بجد مش لاقية كلام أقوله
مش عارفة اعبر عن اللي حسيته و انا بتفرج عليه
الكلمات كلها هربت مني مرة واحدة
مش هتقدر تنساها
مش هتقدر بجد
مقطع محزن جدااا
مش عارفة بس مؤخرا اكتشفت حاجةغريبة
ان الشاب لما بيحب بيحب بكل كيانه
و بتكون مطبقى عليه الجملة دي جااامد
"الحب فوق كل القوانين"
عكس البنت،فحتى لو حست انها بتحب بكل ما فيها مبتوصشل لدرجة حب الشاب

حسيتها من حاجات كثير جدا
مش عارفة ان كانت صح او لاء
بس حاليا مؤمنة بيها جاااااامد

آيوشة يقول...

هو تقريبا احسن مشهد فى الفيلم كله لان الفيلم معجبنيش قصته ابداااا

dr.lecter يقول...

بس مش قادر اعمله

أبــــو ضـــيــاء يقول...

مش عبقري قوي يعني

مستكه يقول...

حاجات كتيرة في حياتنا لازم يتعملها ديليت مهما كان معزتها , مش قلة وفاء ولكن بيكون ده الصح عشان اعتبارات كتيرة اوي بيفرضها علينا الواقع

رغم صعوبتها علي النفس بس لازم

وربنا يقدر كل واحد علي قرارت الدليت اللي عنده لاني بشبهها بالبتر في معظم الاحيان


بس اللي مش عبقري في المشهد من وجهة نظري بكاء بالبطل بالشكل ده , كان ممكن يوصل معاناته بشكل افضل هو البكا مش عيب لكنه مش مستحب بالشكل ده للرجال وخصوصا في المواقف العاطفية اللي زي دي

اومال لو واجهه اللي اعظم من كده هيتعامل معاه ازاي

ممكن تعتبرها نظرة رجعية بس راي الشخصي .

ومعذرة علي الاطالة .

خمسة فضفضة يقول...

السلام عليكم ورحمة الله وبركاته

ازيك يا استاذ عمرو

كل سنة وأنت طيب ويارب تكون قضيت رمضان جميل واجازة عيد سعيده

انا باحب الفيلم ده اوي علي فكره

خمسة فضفضة يقول...

السلام عليكم ورحمة الله وبركاته

ازيك يا استاذ عمرو

كل سنة وأنت طيب ويارب تكون قضيت رمضان جميل واجازة عيد سعيده

انا باحب الفيلم ده اوي علي فكره

عطش الصبار يقول...

ياااااااااااااااااااااه يا استاذ عمرو
المشهد ده عشناه بشكل او بأخر
دموع احمد السقا فكرتنا بدموعنا زمان واحنا بنشوف احلامنا واحنا بنوأدهادموع احمد السقا اتستدعت دموع حبسناها كتير فى مكان بعيد فى ذاكره القلب خجلا امن فعل البكاء امام الاخرين
يمكن ما كنش معانا حق ساعتها لكن هى جزء من ذاكرتنا وايامناحلوها ومرها ايام لن تعود ابدا لكن نفتقدها ونتمنى عودتها
زى ما يكون كنت بتلكك اشوف لقطه زى دى
عموما احنا بين وقت والتانى محتاجين نغسل بدموعنا الادران اللى بتتكون على ارواحنا
شكرا لك يا ستاذ عمرو
اللقطه دى من فيلم عن العشق والهوى و بتظهر براعه احمد السقا وقدرته انه يخليك عاوز تعمل زى طارق لطفى واعتقد ان طارق لطفى فعلا مش بيؤدى دور ده بيعتذر حقيقى

الازهرى يقول...

يا رب الأول بقى

الازهرى يقول...

بجد مشهد عبقرى جدا جدا جدا

أحمد السقا واحد من الجمال جدا فى تمثيلهم وتقريبا دا فيلم عن العشق والهوى لانه الفيلم الوحيد الواقع منى

بس يفضل السؤال
هل الذكريات فعلا بتتمحى بضغطة زر ؟

reem يقول...

المشهد دا من اكتر المشاهد اللى اثرت فيا

ليه بس كدا تفكرنى يا استاذ عمرو

بس عارف حسيته فعلا قلبه بيتقطع وهو بيعمل ديليت لكل صورة وكأنه بيعمل ديبيت لها من قلبه قبل الكمبيوتر بتاعه ودا مش سهل خالص

فعلا مشهد عبقري

بس ليا عندك مشهد كوميدى ينسينى اللى عملته فيا دلوقتى

المهم طمنى عليك يا استاذ عمرو وعلى اخبارك
ويارب دايما بخير وصحة وسعادة

brightlyanny يقول...

اول تعليق
واول زياره
وكل سنه وحضرتك طيب
مشاهد جميله جدا
واجملهم كليب يارا
تحفه تحفه
انما احمد السقا محستهوش بيمثل بجد
شغل افلام يعنى
انت فاهم بقى
يارب اكون خفيفه ف اول زياره
بااااااى

الجواز و سنينه يقول...

انا جييييييييييييييت
اول مره تحصل يا جدعان
تصفيق حااااااااااااد
ياخوفى يا بدارن
و تطلع بمبه و ابقى جيت متأخره

الجواز و سنينه يقول...

تصدق
انت عبقرى
بس مافيش فى الزمان ده واحد بيعمل كده على واحده
مع الاسف
احييك على المشاعر الرقيقه دى

norahaty يقول...

أحمد السقا من
الفنانين الحلويين
اللى فعلاً بيحاولوا
يعملوا شغل كويس جداً
وكمان اوى لما سمعت انه
فى حياته الخاصة جاد جداً !
سبحــــــــــــــــــــان الله!

فشكووول يقول...

الله الله ما فيش تعليقات

يارب اكون اول واحد

فشكووول يقول...

ولو طلعت اول واحد اكون برضه التانى

فشكووول يقول...

طيب انا راجع اتفرج على احمد السقا

فشكووول يقول...

يا سلام يا عمنا على الرومانسيه

يا بختك يا احمد يا حلمى

مع ان يا أخى البت دى مش حلوه خالص وما لهاش شكل الا انها تقول للقمر قوم وانا اقعد مطرحك ... يا سلام على حلاوتها وطعامتها

غمض عينيك يقول...

فعلا

عاشقه الرومانسيه يقول...

فى راجل ممكن
يحب بالشكل ده؟؟؟؟؟؟؟!!!!!!!!

فاتيما يقول...

الفيلم دا حاجة مختلفة
و بحبه قوى
بيفكرنى بنفسى ف شوية حاجات
قصة الحب اللى بيوقفها الزمن و الظروف و يلغيها حد تانى ف ثانية
كل شىء حواليها يمر و يمشى
و يفضل فشلها يعذبك طول الوقت
لحد ما تضطرك الحياة لبداية جديدة
اختيار جميل
حمدلله على سلامتك من الاجازة

شمس النهار يقول...

مساء الخير يالورد:)

يانهار ابيض كل دي ناس علقت قبل مني
معلش بقي من نفسهم

شوف يا لورد المشهد ده رغم انه اللي اتبنا عليه الفيلم كله
بس من وجهة نظري انه مش عبقري
ليييييه
علشان هو كان بيبالغ في التمثيل

وكمان علشان هو طلع مش راجل
لييييه
علشان هو اتخلي عن حبه ببساطه كده وبدوسه علي زرار خلص المواضيع
واتخلي عن اللي المفروض انها حب عمره
من غير حتي كلمه
وسبها كده في عز فرحتها بالنجاح
واداها ضهره علشان مصلحته كده
يبقي كده هو ماكنش بيحبها اصلا طالما قدر يديها ضهره كده ببساطه

طب كان يحارب شويه يحسسها انه فعلا غصب عنه
يحاول
بس هو كان اضعف من انه يحاول
وضعفه بان جدا في باقي الفيلم وخصوصا مع منه شلبي اللي اديته كل حاجه وكان اناني جدا معاها
هي كمان

لا لا يا لورد
هو كده مش غصب عنه كده برضاه وبمزاجه تماما
فامايمثلش ويعمل فيها الضحيه الغلبان ويعمل مشهد زي ده يقطع قلبنا بيه

وعلي فكره المشهد ده هو نقطة الضعف الوحيده للفيلم
اما باقي القيلم جميل
وحواراته كلها مزهله وزي مابيقولوا في الجون

بس الموسيقي هايله
قال يعني لما مسح الصور خلاص
ماكنش حد غلب
يا لورد

ولوان الدنيا علمتني ان في ناس قلوبهم كده فعلا والمشكله عندهم قدره علي انهم يقنعوا نفسهم واللي حواليم انهم ضحيه ومقهورين وغصب عنهم
وهمه دابحين كل اللي حواليهم

وبعدين يا لورد انا لما لاقيتك في القايمه منزل بوست
قلت جميل
اللورد هيطلع البلوجر من حالة الحزن اللي فيه

وزي ماقالت ريم لازم ولابد تنزل لنا بوست كوميدي تعوضنا عياط الاخ احمد السقا
اللي مش عارفه اصلا كان بيعيط ليه لما هو كده شجيع وبدوسة زر يقدر ينسي كل حاجه مالوش امان يعني

وبرضه تسلم يا لورد :)

ماما يقول...

حقيقى مش بحب منى زكى مع احمدالسقا
بس عموما الموقف مؤثر

عاشقه وغلبانه يقول...

انا عشت الموقف ده بنفس تفاصيله دي وبنفس الاحاسيس
اقدر اشبهولك بالموت واللهالعظيم بدون مبالغه
عارف لما يكون ليك انسان غااااالي قوي وقريب اوي وانت معاه عايش تفاصيل حياته لحظه بلحظه ومعوده ومعودك علي حاجات كتير في تفاصيل حياتكوا وفجأه يموت بدون اي مؤشرات وحتي لو في مؤشرات اهو موت وخلاص
كل اللي بتقعد تفكر فيه هو انا هاينفع اصحي الصبح من غير ماسمع صوته
هو انا هاينفع اكمل من غيره
هاعمل كذا ولا كذا من غيره
والله احساس يخلي بعضنايوصل لدرجه الجنون
احمد السقا عيط انا عن نفسي عيشت ليله زيهكده ماظنش يعدي عليا واحده زيها
ليله خلتني منكتر العياط انام علي الارض واصحي علي كوابيس
احساس مدمر لما تلاقي اللي انت بتحبه فجأه راااااااح
كلشريط حياتك معاه بيجري في ثانيه قصاد عيونك
كان بيعملي ويعملي حتي الوحش من عمايله بتفتكره وتتقهر عليه
ربنا مايعيدها ايام انا جالي اكتئاب اياميها
لو حد بصلي كنت بعيط
وكنت بمتحن البكالريوس بتاعي
كانت ايام غامقه اوي

فتاه من الصعيد يقول...

ده احلى مشهد في الفيلم كله اصلا... احييك على اختيارك

تحياتي

ستيته حسب الله الحمش يقول...

اللي يحب حب زي ده
مش مفروض يعمل لها ديليت ابدا
ومفروض يكون جنبها مهما حصل
وخاصة ان معنى دموعه انها مش وحشة
لأ ده كمان بيحبها قوي
العجيب يا أخي ان بعد كم الدموع دي كلها
اتجوز
وخلف
وحب تالت
واتجوز
وخلف
ويقولوا حب الرجال أقوى؟
هع
عجبت لك يا زمن

كيــــــــــــارا يقول...

بالفعل مشهد ملوش حللللللللللللللل

حاسوباتيه يقول...

هو مشهد فعلا معبر جدا بس بيحصل عادي وتستمر الحياه برضو عادي

ليس فقيرا من يحب يقول...

طب انا عايزة اعرف الفيديو ده فيه ايه

بس للاسف الشديد عمر ما فيديو ظهر عندى

اكيد النت غبى كالعاده


تحياتى لحضرتك

صبرني يارب يقول...

تعرف الفيلم ده لسه كان على بالي من شويه والله

مش عارفه ليه

اصله من الافلام الى انا باعتربرها قصه حقيقه

رغم ان انا ليا اعتراضات شويه على استهبالات كتير فى القصه

لكن انا باعتبرها قصه حقيقة بتعبر عن وجهة نظر الشاب او البطل نفسه فى حياته ونظرته لاخطاؤه هو


مشهد رائع رائع رائع

تحياتي لحضرتك

عاشقة الأحزان يقول...

السلام عليكم
ازيك يا استاذ عمرو اخبار حضرتك ايه يارب تكون بخير وبصحه جيده وربنا يطمنا عليك

معلهش بقا اتاخرت عليك يادوب لسه راجعه من السفر عملت بوست وقلت اطمن على الناس اللى بحبهم

جميل قووى المشهد ده بجد انا بحبه قوووووووووووووى وكمان انا من عشاق احمد السقا
اختيار موفق
ربنا يطمنا عليك

تحياتى

انوسه

wella يقول...

اااااااااااااااااه

الواحد مش هيعرف يعبر عن مشاعرة لانها مش ينفع نلخصها بكلمات

بجد مشهد جامد وى والسقا عمله حلو


برضة فى مشهد تانى لمنى زكى وهية بتقول لاختها انا زعلانة من الدنيا حلو اوى برضة



الحب وجراعة باه

الفليم انا بحبة اوى بجد

beautiful mind يقول...

احمد السقا ممثل كويس
وواضح انه كان بيعيط اوي من قلبه
فعلا المشهد مؤثر اوي
ومش متخيل لو انا مكانه كان هيحصلي ايه
ربنا يبعدنا عن الاحزان تقبل تحياتي يااستاذ عمرو

سبهللة يقول...

إحساس عالى جدا م احمد السقا
دة فيلم ايه؟؟