الأحد، 3 مايو 2009

التدوين يوازى حياتنا اليومية ..

مساء الخير أعزائى المدونات و المدونين :)
وحشتونى ..
بجد وحشتونى زى ما بيتى و عيالى وحشونى أنتم كمان و مدوناتكم وحشتونى ..
قبل ما أبدأ سلسلة البوستات اللى بتحكى عن رحلتى للصعيد و اللى أنتهت النهارده حيث رجعت بأمان الله لبيتنا العامر أحب أشكر الأستاذه / أسماء رمضان الصحفيه بجريدة العالم اليوم على الحوار الرائع اللى أجرته معايا قبل سفرى و نشر بتاريخ 30\4\2009 .. بأشكرها و بأحييها على اٍهتمامها بعالم التدوين و المدونين و على مجهودها كمان الواضح و الشديد فى تلخيص الحوار اللى قامت به معايا تلخيصا شديدا عنيفا عميقا لابد أنه أستلزم منها الكثير جدا من التعب و الوقت :)
ترقبوا بقى يا جماعه بوستات رحلة الصعيد اللى بأحكى فيها عن هذه الجوله العجيبه بالجنوب حيث كانت لقاءات لم تخطر على بالى يوما مع رجال سياحه مرموقين و علماء آثار يشار لهم بالبنان و مطاريد فى الجبال شديدة الوعوره و نجوم و فنانين و رهبان و شخصيات شديدة الاٍنسانيه و الثراء و ناس لم يخطر على بالى يوما أن أجالسهم و ألتقى بهم و أستمع منهم لحقائق و حواديت يشيب من هولها القرعان :)
ترقبوا بوستات : من الصعيد الجوانى .. و اللى يحصل يحصل !!
واه يا بوووووووووى على دى رحله !!!

هناك 18 تعليقًا:

شمس النهار يقول...

حمد الله علي السلامه
ومستنيين ان شاء الله
البوستات المشوقه

عمرو يقول...

شمس النهار
الله يسلمك
اٍن شاء الله

عاشقة الأحزان يقول...

السلام عليكم
أستاذى الفاضل عمرو
تحياتى الكبيره قووى لحضرتك
وحمدالله على سلامتك
وطبعآ منتظرين الجديد إن شاء الله تعالى
بس بجد زعلانه من حضرتك لانك مش بتتدخل عندى بقا ليك فتره
تحياتى
إيناس

بسنت صلاح الدين يقول...

حمدلله على السلامه اولا،ثانيا منور الجريده،و يالا بقى مفيش راحه مستنيين حكاوى الصعيد

أمبارح كان عمرى عشرين يقول...

السلام عليكم
حمدلله على سلامتك يا أستاذ عمرو
ومنتظرين البوستات الجميله عن رحله الصعيد ان شاء الله

احساس طفلة محبة للرومانسية بس واقعية يقول...

يشيب من هولها القرعان :)

هاهاهاهاهاهاها
حمد لله على السلامة
يارب تكون كانت رحلة سعيدة

وياريت لو تجبلنا الحوار
عشان للاسف مش كله بيعرف يجيب الجريدة دى

مستنين بوستات من الصعيد الجوانى
تقبل مرورى

كيــــــــــــارا يقول...

حمد الله علي السلاااااااااااااااامه ومستنيه البوستات

mahasen saber يقول...

كنت فى الصعيد ومتقولناش يا استاذنا عشان نبعت معاك السلام لحبايبنا هناك

على العموم الف حمدالله على السلامه
ونورت المدينه والعاصمه ومستنيين البوستات الرائعه دى


اخبار المشمش والبرتقال ايه انا نازله القاهره ياريت اروح الشرقيه بقفص مشكل ههههههههه

mohamed ghalia يقول...

حمدا لله على سلامتك
وده اقل حاجة على حضرتك ظهورك فى الجريدة
دمت فى سعادة

بلاش فضايح يقول...

حمدالله على سلامة حضرتك
ومبروك الموضوع المنشور فى الجريدة
ومنتظرين الجديد ان شاء الله

تحياتى

MǿиY El-Shreef يقول...

حمدلله ع سلامتك يا باشمهندس

ومستنيين البوستس الجديده

ومبروك ع الجريده ظهور حضرتك :)

صبرني يارب يقول...

ماشي ياعم ناس لها تروح العيساويه وناس لها المدونين يعذبوهم زيي انا كده
سبتوووووووووني كلكم طلع روحي فى بوست التعدد
عااااااااااااااااا

حمد الله بالسلامه وايه ده حوارات وحركات طيب مش كنت تاخد صورنا معاك
ههههههههههههههههههه

نورت بيتك ونورت البلوج ويلا بسرعه عايزين نسمع

ولو فى صور عايزين نشوف

خصوصا لو كان فى هناك مزز
ههههههههههههههه

dr.lecter يقول...

ترجع بالسلامه وتحكي لنا علي كل اللي حصل ان شالله

مـحـمـد مـفـيـد يقول...

طالت غيبتك

فشكووول يقول...

ازيك يا عمرو باشات
دى مش جريدة العالم اليوم بس لأ دا انت لك تدوينه بجريدة العربى الناصرى بتاريخ 26 ابريل بعنوان(علم بلدنا ياناس)
يعنى انت بقيت نجم صحافه لامع
والحقيقه كان برضه الاستاذ محمد حماد اتصل بيا بالايميل وطلب منى موضوع لجريدة المصرى اليوم وكتبته وهو طلب منى انى اعمل تدوينه واقول فيها كل اللى انا عايزه .. بس مش عارف هو عايز ايه لحد الوقت.
تحياتى ودائما الى الامام

عاشقه وغلبانه يقول...

انا قريت البوست امبارح بس مش عارفه رديت ولا لا

عموما احنا مستنين البوستات
ومبروك علي المقال

من غير عنـــوان يقول...

دايما مشرفنا يا صديقي العزيز

اسماء يقول...

معلش انا جيت متاخر للرد على الموضوع واعذرني بجد يا استاذ عمرو على الاختصار المشكلة انه بيكون فيه قيد المساحة الخاصة بالصفحة بس انا بصراحة استفدت جدا من حواري مع حضرتك
وحمدا لله على سلامتك