الثلاثاء، 28 أبريل، 2009

من العيساويه أحييكم ..

مساء الخير أعزائى المدونات و المدونين ..
أعتذر لأنقطاعى المفاجىء عنكم و ذلك لظروف سفرى اللى بدأ من أول اٍمبارح و تطلب منى شوية تركيز قبل السفر لزوم ترتيبات الرحله و اللى نويت و النيه على الله أن أسجلها فى مجموعة بوستات و كلى أمل أن تنال اٍعجابكم ..
بصوا يا ساده يا كرام ..
أنا فى هذه اللحظات مقيم اٍقامه كامله فوق سطح النيل على ظهر الفندق العائم المهيب الرهيب سوبك بدعوه كريمه من أسرة اٍنتاج مسلسل الرحايه متمثل فى كبير عائلة الجابريه الحاج محمد الجابرى و اللى بتدور أحداثه فى أقصى صعيد مصر .. و حاليا يرسو هذا الفندق الأعجوبه و على ظهره أسرة العمل بالكامل من فنانين و فنيين و اٍداريين أمام قرية العيساويه على مسافة ساعه بالفندق العائم على سطح النيل جنوب أخميم بمحافظة سوهاج الساحره حيث غادرناها أول اٍمبارح ظهرا ..
مشهد النيل الساحر و جلاله و حيويته المتجانسه تماما مع مهابة الجبل على الضفه الشرقيه فى هذه البقعه من أرض الوطن شىء فوق مستوى التصور و تعجز الكلمات عن وصفه و هو هنا يختلف تمام الاٍختلاف عن نيل القاهره و وجه بحرى و الحقيقه أنا مبهور و مسحور بكل هذا الجمال اللى بيحيط بى من جميع النواحى !!
تابعونا فى البوستات القادمه تجدوا ما يدهشكم !! و ما يسركم :)

هناك 18 تعليقًا:

MǿиY El-Shreef يقول...

اولا حمدلله ع سلامتك

ثانيا بقى منور الصعيد كله

قول للناس والنبي انه حاجه عليها القيمه

ثالثا بقى كده ماتخدناش معاك

انا عايزه اروح ماليش دعوه :D

رابعا عايزين تغطيه مصورة من قلب الحدث

خامسا تيجي بالسلامه يا استاذنا

سادسا انا اووووووووووول واسرع واحده

:)

شمس النهار يقول...

تروح و ترجع بالسلامه
و فعلا انا عارفه ان النيل فى المكان ده جميل جدا و اهى فرصه كويسه انك تكتب من هناك سلسلة بوستات لتسجيل احداث رحله زى دى
دعواتى لك و اتمنى لك التوفيق

صوت من مصر يقول...

حمدلله بالسلامه ؟؟؟؟؟؟؟؟؟؟؟؟؟؟؟
لا تعليق

عاشقة الأحزان يقول...

السلام عليكم
الله عليك بجد
نفسى أعيش اللحظات دى قووى
بحب منظر النيل
يااااااااااااااااه
كم هوشاعرى
الله عليك بجد يابختك
ربنا يوفقك
وحمدآ على سلامتك واهم حاجه اطمنت عليك
ربنا يوفقك
تحياتى إيناس

صبرني يارب يقول...

طيب والله من امبارح اقوله يا ربي راح فين استاذ عمرو

اتراخم عليه كالعاده وابعتله اميل ولا هو قالي انه مشغول مع الولاد

وبعدين قلت بكره لو ما ظهرش هابعتله بقى رساله

طيب يا استاذنا كنت شوف حد يدعوني انا كمان والنبى

كنت هاموت انا على الرحله دي على فكره بس كل ما ارتب لها تبوووووظ ولله الحمد

تحياتي لحضرتك يا فندم ويارب تكون رحله سعيده ومستنيين التفاصيل

أمبارح كان عمرى عشرين يقول...

حمدلله على سلامتك
وحشتنا اوى والله

مسلسل الرحايا البطل نور الشريف ولا ايه انا قريت كده عموما هى قصته جامده على ماقريت ومتجوز تلاته وحوارات جميله :D

ربنا معاك وترجع با الف سلامه
ومنتظرين البوستات

بسنت صلاح الدين يقول...

تروح و ترجع بالف سلامه، عندك حق الصعيد رائع بكل مافيه استمتع بكل لحظه بجد ايامه متتعوضش ،انا زرت معظمه بحكم دراستى و شغلى ، و يالا مستنيين سلسله رجل من الصعيد الجوانى

nona يقول...

تروح وترجع بالسلامة
ويابختك بس بئا ياريت لو حضرتك تحطلنا صور من الأماكن اللى حضرتك بتشوفها وتلفت نظرك

رحلة سعيدة

dr.lecter يقول...

مش ده بتاع جمال سليمان وعبله كامل؟

حاسوباتيه يقول...

حمد الله على سلامه حضرتك وان شاء الله تستمتع جدا بالرحله الجميله دي وترجعلنا بالسلامه يارب

خمسة فضفضة يقول...

السلام عليكم ورحمة الله وبركاته

يا سيدي يا سيدي

يابختك ( علي فكره دا مش قر دا حسد بس ) ههههههههههه

النيل فعلا والمناظر الطبيعيه للجبل والمزارع اللي تحته في الصعيد رووعه فعلا فكرتني برحله الاقصر واسوان ( رحتها مرتين مره في الجامعه ومره في اعدادي )
بصراحه لما كنا معديين بالقطر طبعا ( واحنا نيجي فين فالناس بتوع الفنادق العايمه ههههههههه) كانت المناظر تلوح والواحد اتمني انه يكون من اهل المنطقة دي ويفضل عايش وسط الخضره والنيل والجو الجميل

رحله سعيده وترجعلنا بالف سلامه

ويلا بقي احكيلنا كل اللي بحصل عندك عشان يكون سبق للمدونه


سلام

gogo!sf يقول...

اتمنى ان رحلتك تنتهى على خير وترجع بألف سلامه بأذن الله

انا برضو قولت ان غيابك مش طبيعى واهو طلعت مشغول فعلا

الحمد لله انك بخير

فى انتظار التفاصيل

عاشقه الاحزان

kochia يقول...

طيب منتظرين الاخبار

تحياتي

انت تسال والكمبيوتر يجيب يقول...

دعوه
/الأخ العزيز
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://stop.to/cairo

ابو المفاصل الواصل يقول...

من لايقف لمصر ام الدنـــــيا احتراما وادبا واجلال
على ما قدمته من تضحيات يعـــــانى حتما من اختلال
ولا يستحق ابدا التفاتا ويحتـــــاج لعلاج من اعتلال
فمصر قدمت دما يمـلآ انهارا تدفقت كما يتدفق الشلال
والحمقى من ناقديها كانوا يصطادون غزلان التــــلال
ويقامرون فى مونت كارلو بمنتهى الـــــــفه والانحلال
ودوما لا يزايدون على الاحرار الا محبــــــى الاحتلال
ولا يعرفون ضرر المزايدات من خطــــــــر ووبــال
على الامة والمصالح العليا والمقدسات من شوية عيال
ومصر سائرة فى طريقها وخليك فى الطبل يا طبال

الازهرى يقول...

ترجع بالف سلامة باذن الله

فى مصر الكثير من السحر ومتعتى الكبرى ان امضى بداخلها متأملا لها

تحياتى وفى انتظار القادم

نهر الحب يقول...

استاذ عمرو
كيف حالك
ممتاز انك قضيت وقت طيب على الفندق العائم ويارب المسلسل يبقى حلو

من غير عنـــوان يقول...

أتمنى لك رحلة جميله

وفي انتظار الصور يا عمرو يا فنان يا جميل


أمنياتي