~SUN~ Pictures, Images and Photos

الجمعة، 16 يناير 2009

شمعه ..

مساء الخير يا أصحابى ..
آسف للغياب الكام يوم اللى فاتوا و آسف لحبس التعليقات كمان و حقكم عليا لعدم الرد عليها .. و على عينى و النبى قلقكم عليا و متشكر جدا جدا لكل اللى بعتوا و أتصلوا يطمنوا على صحتى و بجد و الله سؤالكم عنى رفع من روحى المعنويه فوق ما تتصوروا ..أزمة صحيه ألمت بى و ألزمتنى جزيرة القطن اللى هى المرتبه و اللى بيسموها فى اٍسكندريه الطراحه ما هى دى اللى غنا لها شفيق جلال فى فيلم ريا و سكينه القديم لما كان بيقول : ع الملاحه ع الملاحه و حبيبتى ملو الطراحه ..يخرب بيتك يا ريا أنتى و سكينه رحتوا و سبتوا لنا أشكال تستاهل الخنق بصحيح ..
بس عاوز أقول لكم أنه فى وسط وسط وسط الظلام الكحيل الغميق الأسود دايما بنلاقى شمعه بتنور زى اللى فى الصوره اللى فوق دى ..
ربنا يخليكى يا شمعتى و تفضلى دايما منوره لكل أحبابك :)

هناك 13 تعليقًا:

أمل حمدي يقول...

سلامتك يا عمرو ألف سلامة

ودايما يا رب منور

شمس النهار يقول...

حمد الله علي السلامه
نورت مدونتك
وربنا يخلي لك شمعتك ياسيدي
وسلامتك
مش كنت تقول كنت بعت لك القبيله تعودك

عمرو يقول...

ماما أموله
أزيك يا أمى و كيف حالك ؟
ربنا يخليكى و تفضلى أنتى اللى دايما منورانا
أدعى لى يا أمى

عمرو يقول...

شمس النهار
أهلا أهلا يا شموسه أزيك ؟
الله يسلمك و يخليكى يا برنسيس يا طيبه و بجد ما شفتش حد زيك فى سمو أخلاقك
طيب أديكى عرفتى أنى كنت تعبان أبعتى القبيله بقى بالزياره:)

صبرني يارب يقول...

استاذ عمرو

والله والله والله قطعت بنا والله كل يوم ادخل ابص على قايمة المدونات عندي واقول يا ترى في ايه لعله خير ويكون مشغول فى خير بس

حضرتك من الناس الى لهم معزه خاصه عندنا كلنا ربنا يكرمك يارب والف الف سلامه عليك
وربنا يخليلك شمعتك ويخليك لها ويكرمكم يارب
واتمنى تكون بقيت كويس وترجع تنورنا كل يوم تاني

ربنا يكرمك

mahasen saber يقول...

الف سلامه على حضرتك
انا اسفه جدا مكنتشس اعرف ان حضرتك مريض

وبعدين ده من قلة متابعتى ومن قلة ذوقى وجهلى الانسانى

انا اسفه جدا جدا
والف الف مليون لا بأس على صحة حضرتك

عاشقه وغلبانه يقول...

الف سلامه عليك ياغالي
ماتشوف شر ابدا

حلوة الدنيا يقول...

الف سلامة عليك يا باشا

أحــوال الهـوي يقول...

حبيبي سلامتك

و ترجع لنا كل يوم بموضوع جديد قصه او مقاله او اغنيه جميله

تحياتي

Unknown يقول...

الف سلامة عليك
وحمد لله على سلامتك
بس عارف الحياة من حولنا مش باين لها نور ولا ضوء ولا حاجة خالص

خمسة فضفضة يقول...

السلام عليكم ورحمة الله وبركاته

الف سلامه عليك يا استاذ عمرو ، شكلها كده حد نشك عين محترمه

الحمد لله انك بقيت كويس ويارب دايما

سلام

princess يقول...

سلامة حضرتك الف سلامة
انش اء الله ترجعلنا بسرعة:)

Unknown يقول...

الف مليون بعد الشر
عنك ياراجل ياطيب
طيب مش كنت تقول؟ كنا
جينا وعملنا الواجب
وزيادة .على العموم الف
حمدلله على السلامة نورتتتنا .