لما حصل اللى حصل فى غزه من أحداث جسيمه غير مسبوقه تأثر بها الكثيرون من هولها و بشاعتها .. و عبر البعض عن غضبهم اٍزاء ما يحدث بالكلمات التى رغم بساطتها و عفويتها اٍلا أنها كلمات صادقه و حاده كنصل السكين اللى أنغرس فى قلوب أهل غزه من الشقيق قبل العدو ..
أميره شعبان .. اٍنسانه عاديه و بسيطه و أم مصريه أصيله تأثرت هى كمان بما يحدث و عبرت عن مشاعرها شعرا أو سموه زجلا أو سموه كما تشاؤون .. بتقول :
بأحلف بجميع الأديان
يا قدس يا أحلى و أغلى مكان
لترجعى لنا زى زمان
طاهره و حره من العدوان
و اللى دخلوكى من اٍسرائيليين
و حياتك بكره ما خارجين
غير قتلى و جرحى و متصابين
و ندمانين على حصارهم كمان
و كل شهيد خرج من داره
و حياتك بكره لناخد تاره
ده اللى سبقوهم ساروا
عالجنه رفرفوا و طاروا
بأحلف بجميع الأديان
يا قدس يا أحلى و أغلى مكان
لترجعلنا زى زمان
طاهره و حره من العدوان
و يا أهل غزه ما تحزنوش
و من اٍسرائيل لا متخافوش
ياما صمدتوا يا أحلى وحوش
و من الملايكه معاكو جيوش
أيه رأيكم فى الكلمتين دول ؟ بالذمه مش معبرين و أبلغ من ميت ألف خطبه يعقبها الهتاف العربى الاٍسطمبه : بالروح بالدم ترابتت تت تو ؟؟
هناك 4 تعليقات:
السلام عليكم ورحمة الله وبركاته
ربنا يرحم الجميع ويزيح الغمه وينصر المسلمين في كل مكان
قلت اعدي اسلم عليك يا استاذ عمرو واقولك كل سنة وانت طيب
معلش اصلا انا بقالي كتير مش متابعه حاجه ولا الجايكو الا حاجات سريعه كده ماتجيش نص ساعه في اليوم بصراحه جو الحرب والقتل اللي حوالينا مخليني ماليش نفس لحاجه خالص
سلام
ياريت اللى بيتقال ترتبتت حتى يبقى ليها معنى اقلها موسيقى
طبعا الكلمات لما بتبقى طالعة من جوه وصادقة بتوصل علطول
بليز قلها يا عمرو ان بجد كلماتها صادقة اوى
تحياتى
can you email me: mcbratz-girl@hotmail.co.uk, i have some question wanna ask you.thanks
Although there are differences in content, but I still want you to establish Links, I do not know how you advice!
إرسال تعليق