~SUN~ Pictures, Images and Photos

الأربعاء، 17 أغسطس 2011

ماض و أنطوى

لما بنستعرض أحداث الماضى بكل ما فيه كتير بنركز على الأحداث المؤلمة و الظروف القاسية اللى واجهتنا .. الحقيقة أننا بالشكل ده بنستحضر المزيد من الأوجاع و برضو الظروف القاسية الصعبة لنفسنا فى الزمن الحاضر ..
بمعنى أننا مثلا لو ركزنا التفكير شويه فى شخص أو أشخاص مروا علينا فى حياتنا و سببوا لنا ألم بشكل ما أكيد حنشعر تجاههم بالضغينة و الكره الحقيقة أننا بنؤذى نفسنا بطريقة التفكير العقيمة دى مش بتؤذيهم هم ..
محدش بيقدر يرسم حياته اللى يستاهلها غير الشخص نفسه .. فلو ركزت تفكيرك شويه بشويه فى الجوانب الاٍيجابية فى الحاضر أؤكد لك أن الحياة اٍن شاء الله حتكون أجمل بكتير بشرط أن يكون عندك مشاعر طيبة تجاه الحياة نفسها .. متصالح معاها مش مخاصمها و منتظر منها أنها تبتسم لك ..
كل المطلوب للوصول للنتيجة دى هى محاولة البدء فى النظر للحياة بوجه جديد و عقلية جديدة تخلو من شوائب و عقد و أحقاد الماضى و النتيجة اٍن شاء الله مضمونة .. بس نبدأ .

هناك 15 تعليقًا:

عطش الصبار يقول...

يااااااااااااااااااااااااااه حمدالله على السلامه يا اساذ عمرو قد ايه كنا مفتقدين كتاباتك وارجو ان الظروف اللن منعتك من الكتابه تكون انتهت وزى حضرتك ما قلت ان محاوله البدء فى النظر للحياه بوجه جديد وعقليه جديده بعيدا عن التفكير فى اشخاص سببوا لنا مشاكل وما اكثرهم وما اكثر ما تعرضنا له استاذ عمرو
وانا ان شاء الله ساعمل بنصيحتك
حمدالله على السلامه نورت كل المدونات

عمرو يقول...

الله يسلمك يا أستاذتنا و عاجز عن شكر حضرتك على سؤالك عنى و ترحيبك الرائع بشخصى
و الله أنا كمان كنت مفتقدكم للغاية و الحمد لله عدت الظروف اللى كانت منعانى عنكم بخيرها و شرها و حلوهاو مرها و أدينا بنحاول نستجمع شتات النفس من تانى بشوية أفكار يمكن تكون مفيدة خاصة أنها نابعة من تجارب حياتية عديدة
أشكرك عميق الشكر و أرجو برضو أن حضرتك متغيبيش عن مدونتك كتير

Unknown يقول...

الأنسلاخ من الماضى
وأوجاعه وذكرياته
محتاج صبر وقدرة
كبيرة وعزيمة كمان
مش كلنا وللأسف بنمتلكها!

كلمات من نور يقول...

اجترار الماضي وخاصة ما فيه من ذكريات موجعة هو ألم ...أما تذكر الماض المبهج للنفس فهو كما يقول الشاعر فاروق جويده كنز يحسد من يمتلكه ...تحياتي

أمل حمدي يقول...

جميل جدا ولكن لاننسى الماضي كله بل نأخذ منه ما يقينا ترار الوقوع في نفس الخطأ
لاننا أكيد اتعلمنا ما يثبت خطواتنا المستقبلية
بوست رائع
تقديري ةاحترامي لك أخي عمرو

أمل حمدي يقول...

تكرار الوقوع :)

غير معرف يقول...

على ضمانتك يعني :) ؟؟

هنحاول ان شاء الله ..... وفعلا اللي يبص للماضي بيتاخر كتير :)

shimaa elkholy يقول...

ايه ده يا استاذنا راجع حامي علينا موت قريت كل البوستات
ايه التالق والتركيز ده

تسلم اديك يا فندم

عمرو يقول...

ماما أمولة أهلا بيكى
ننسى الماضى السىء كله و لا نتذكر اٍلا الماضى الجميل ده اللى حيفيدنا فى عدم الوقوع فى نفس الأخطاء
هى نظرية فيها شىء من التطرف شويه لكنها أسلم لأن بقاء الماضى بداخلنا أكيد أكيد حينعكس على أفكارنا و بالتالى على مشاعرنا بشكل ما
مع خالص تقديرى

عمرو يقول...

نورهاتى كلنا نمتلك الاٍرادة و العزيمة و الصبر بدرجات متفاوتة .. المطلوب هو تدريب هذه القدرات الربانية الفذة على الاٍستعمال و التجاوب مع المتطلبات النفسية للفرد
يعنى هى تدريب و عدم اٍستسلام و لا يأس مش أكتر

عمرو يقول...

كلمات من نور
و أى كنز .. بس الأهم هو الحفاظ على الكنز ده و عدم تضييعه فى توافه الأمور زى ما بشوف كثير من الناس بيضيعوه فيما لا يصح

عمرو يقول...

فتاة من الصعيد .. على ضمانتى طبعا :)

عمرو يقول...

ندى الياسمين أهلا أهلا :)
عندى حالة من صفاء الذهن و التركيز غير مسبوقين فقلت أستفيد بهم بدل ما يضيعوا هباءا منثورا
منوره يافندم

الفقيرة إلى الله أم البنات يقول...

مقاله فى وقتها ...كلنا محتاجين منبصش ورانا ولا نفتش فى نوايا ولا فى تصرفات الاحبه او الآخرين عموما
كل سنه وحضرتك ...والاسرة بخير

Unknown يقول...


thx

شركه تنظيف