~SUN~ Pictures, Images and Photos

السبت، 13 أغسطس 2011

عدنا ......

مساء الخير عليكم و كل سنة و أنتم طيبين
بدون مقدمات و كلام كتير وحشتونى و مدونتى وحشتنى
حوالى سنتين و أنا منقطع عنها تماما و شعرت النهارده برغبة و حنين جارف للتدوين فسميت بالله و دخلت
قبل كل شىء أود أن أشكر أصحاب مئات التعليقات اللى وجدتها بالمدونة و محتاجة للاٍشراف اللى بيسألوا عنى و بيطمنوا عليا خلال فترة اٍنقطاعى و بجد مكنتش بأدخل المدونة خالص و لم تتح لى الفرصة لشكرهم أو طمأنتهم و بأستميحهم عذرا أنى لن أنشرها فيكفى مشاعركم النبيلة نحوى
و كمان بأشكر كل من أرسل لى تعليق كتعزية فى الراحلة أمى رحمة الله عليها و أخص بالشكر العميق الأستاذة ندا الياسمين اللى عملت بوست مخصوص لتعزيتى و برضو معرفتش غير النهارده و بأشكر أيضا كل اللى دخلوا البوست ده و قدموا لى العزاء و لم أشكرهم من أعماق قلبى على مشاعرهم الطيبة لآ أراكم الله مكروها فى حبيب لديكم

أشعر بسعادة و فرحة غامرة لكونى أعود اٍليكم و أعود لمدونتى
و نبدأ على بركة الله التدوين
ده أنا حأصدعكم بوستات بس صبركم عليا :)

هناك 15 تعليقًا:

الازهرى يقول...

يااااااااااه

مش هأقدر أوصف فرحتى أول ما دخلت ولقيت الريدر كاتب
حبشتكانات فلسفية

بجد شعور رااااااااااااااااائع


ألف مليون حمد لله على السلامة


وربنا ما يخليك تغيب عننا أبدا تانى

غير معرف يقول...

انا لما لقيت مدونه حضرتك على الريدر عندي تعلن بوجود بوست جديد ماصدقتش ..... ايه الغيبه دي كلها :)

الف حمد الله ع السلامه ..... ومستنيين الصداع بقوه :))

همس الاحباب يقول...

حمد لله على السلامة
وكل سنة وحضرتك بخير
وعودا احمد باذن الله
تحياتى

shimaa elkholy يقول...

ايه ده حلم ولا علم ده يا جودعان

ايه يا استاذنا ينفع كده طب كنت قولي اشيلك العنكبوت من المدونه قبل ما تيجى ونرش مايه على العتبه وكدهون

ههههههههههه
نورت التدوين والمدونه

ومافيش داعي للشكر ده اقل واجب والله

غير معرف يقول...

♥●♥ وحشتنا ♥●♥

عمرو يقول...

الازهرى
أشكرك جدا يا عزيزى على مشاعرك الطيبة و على قلقك عليا طوال الفترة اللى فاتت و اٍن شاء الله مش حأنقطع عنكم تانى أبداً فمعلش بقا أستحملونى :)
الله يسلمك من كل شر و كتر ألف خيرك

عمرو يقول...

فتاة من الصعيد
متشكر لمجاملتك اللى رفعت من روحى المعنوية و الله يسلمك :)

عمرو يقول...

همس الأحباب
متشكر جدا و كل سنة و أنت طيب يا عزيزى و تحياتى و تقديرى لك

عمرو يقول...

ندى الياسمين
لا حلم طبعا هههههههه
منورانى و الله
الحمد لله ملقيتش عناكب لكن لاقيت مشاعر دافئة و كلمات كميمة من أصدقاء أحبونى و أحببتهم أثارت فى نفسى مشاعر متضاربة و كانت النتيجة أنى بقيت بينكم تانى أهو
لا بس بجد تستحقى الشكر العميق من كل قلبى و الله ربنا يبارك فيكى

عمرو يقول...

غير معرف
أنتم كمان وحشتونى جدا و الله .. متشكر للشعور الطيب و ال 6 قلوب :)

إيمان هلال يقول...

ياااااااااه مش مصدقه بجد هو فعلاً حضرتك كتبت تدوينه جديدة ولا انا بتخيل ؟؟؟

حمد لله على السلامة يا فندم وحشتنى كتباتك جداً جداً جداً

كلمات من نور يقول...

الله الله ...عودا حميدا ...العمالقة يعودون سويا يا أستاذي ...هههههههه أصلي عدت إلى مدونتي أنا أيضا أمسا ...عودا جميلا إن شاء الله ومنتظرين تلاتين الف بوست شهريا (:

سنابل يقول...

لالالا بجد ؟
والله ما مصدقة ما تتخيلش فرحتي قد ايه برجوعك حمد لله على السلامة بلوجر نور
ما تغيبش تاني كدة يا استاذنا

عمرو يقول...

عودا حميدا للعمالقة يا أستاذة نهى بارك الله فيكى :) و متشكر لمجاملتك و مرورك الكريم و منتظرين بقا مذكرات العمرة

عمرو يقول...

سناااابل :) و الله متتصوريش قد أيه فرحتى أنا بمرورك لأنى منساش أبدا أن أول كومنت جالى على المدونة دى من 3 سنين كان منك :)
متشكر ليكى جدا جدا و اٍن شاء الله مافيش غياب بعد كده