الاثنين، 17 أغسطس 2009

تحيه كبيره لكفر الشيخ و اللى منها !! + تحديث


تحديث : الأنباء بتؤكد وصول الصيادين المصريين لميناء الأتكه فى السويس يوم لخميس القادم اٍن شاء الله و معاهم 8 أسرى صوماليين مش 3 كما ورد بالبوست كما اٍنهم قتلوا منه 7 مش 2 كما جاء على لسان المتحدث الرسمى باٍسم القراصنه ..
هييييييييييه
واضح أن الصيادين المصريين اٍفتروا جامد على القراصنه :)
بأقترح يحطوا الأسرى دول فى اٍقفاص فى ميدان التحرير علشان نتفرج عليهم و النبى و نحدف لهم فول سودانى و موز و ممكن يعملوا الفرجه بتذاكر و أهى تبقى سبوبه برضو مش بطاله يمكن يخفوا عننا الضرايب شويه ..
*************************************
بسم الله ما شاء الله ..
اللهم صلى على حضرة سيدنا النبى ..
النهارده تكاد تصل فرحتى لحد الجنون بعدما تأكدت الأنباء الوارده من الصومال اٍن ال 34 جدع ولاد كفر الشيخ اللى كانواااااااااااا مخطوفين بواسطة القراصنه الصوماليين تمكنوا من تحرير أنفسهم و مراكبهم بدعم من جهاز المخابرات العامه و تغلبوا على ولاد ال....... الهبيشه الخطافين بعدما يئسوا من المفاوضات الديبلوماسيه اللى كانت بتديرها وزارة الخارجيه و دارت بينهم معركه دمويه رجوليه مايعملهاش غير ولاد الفلاحين بجد و مش بس كده دول كمان قتلوا منهم 2 و أسروا 3 و راجعين لمصر بيهم اٍن شاء الله بألف سلامه بحماية رجال القوات المسلحه ..
يا بركة رمضان هلى على المصريين و فرحنا يا رب كمان بخبر حلو كده ال 80 مليون مستنينه كرامه للنبى ..
و اللى يزود الفرحه أننا حنرتاح من الشياطين أهو شهر بحاله و حيتجروا من قفاهم و يترموا فى اللومان الخاص بيهم مع أنى كنت أتمنى يترموا الشهر ده فى حجز قسم العمرانيه علشان يطلعوا منه ناسيين أساميهم أصلا ..
صباحك ورد و فل و مسك ليل مش قلت لك وشك حلو على مصر :)

هناك 41 تعليقًا:

شمس النهار يقول...

صباح الخير يا لورد :)
انا جيت اهوه
و الله فرحتنى انى اصحى من النوم اول ما افتح كده المدونات الاقى كده خبر جميل مستنينى
لما قلت لى وشك حلو على مصر مكنتش عارفه ان البوست كده
و طبعا تحيه للرجاله اللى عملوا كده و هى دى رجالة مصر اللى بيبانوا وقت الشدايد و المحن و لا احنا نسينا السفينه و العلقه اللى خدوها الصوماليين بالخراطيم :)
شكل الصوماليين دول لسه لا اتعلموا و لا عرفوا مين هم المصريين
و فيه مغنى غريب كده مش فاكره اسمه من الناس اللى طالعه جديده فى الفن دول كل ما مصر تكسب ماتش يطلعوه فى التليفزيون يقول و الله و عملوها الرجاله كل ما واحد فيهم يجيب جون و لا اتنين
لا انا باقول بقى الاغنيه تتفنى لدول دول الرجاله اللى بجد و نهنيهم و نقولهم و الله و عملوها الرجاله و رفعوا راس مصر بلدنا
و تحيه لك انت كمان يا لورد على البوست الجميل ده اللى ابتديت به نشاطى التدوينى مره اخرى من على ارض الوطن
افتتاحه مسك :)

صبرني يارب يقول...

الحمد لله تعالى

اه والنبى حد يطمنا ويقول ان فى حاجه ممكن تحصل

ان في حد بيفكر اساسا فيناااااااااااااااااااااا

تحياتي يااستاذنا

كيــــــــــــارا يقول...

الله علي الاخبار الحلوه

ربنا يبارك فيكي وفي شبابك يابلدي ويبعد عنك العربجيه

فعلا شموستي حبيبتي وشها حلو اووووووووووووي

ستيته حسب الله الحمش يقول...

الله الله
ربنا يفرح قلبك وقلوبهم
الله اكبر
ياحلاوة يا ولاد
لسه باقي من الصنف المصري الأصيل الطبيعي اللي كان بيتباع عند خضر العطار شوية
يارب كتر امثالهم وقل من امثال سوسو الحساس

فاروق عادل يقول...

والله وعملوها الرجاله ورفعوا راس مصر بلدنا خبر جميل سيبك من الدوله احنا لو عاوزين نعمل حاجه هنعملها ووشك ووش شمس النهار حلو على مصر

همس الاحباب يقول...

الحمد لله
والف شكر على الاخبار الجميلة
انا لسه كنت مخنوق من الموضوع ده وانا اهلهم فى دمياط وكفر الشيخ بيلموا الفدية وقدرها 600 الف دولار وجمعوا منها 200 الف بس وعايزين يكملوا الباقى قبل رمضان
سبحان الله ربنا كريم
وكل سنة وحضرتك طيب
تحياتى

عطش الصبار يقول...

الله يا استاذ عمرو
من زمان ما سمعناش اخبار ترد الروح
احنا عندنا ابطال واللهى بس يبعدوا عننا بثقافه الهزيمه

norahaty يقول...

سمعت الاخبار الصبح
ومابقيتش مصدقة
نفسى من الفرحة
لكن يظهر
الموضوع
حقيقى
ربنا ينصر الحق
بس ربنا يستر ما تيجى
اخبار تانية تقول انه كانت
فيه مفاوضات (وفلوس)دفعت من وراء الكواليس ومش عارفة ايه وايه
ربنا يستر ياأستاذنا يارب:)

طوبة ذهب وطوبة فضة يقول...

الحمد لله والله لسه مصر بخير وولادها اكيد بالف خير تسلم ايدك على الاخبار الحلوه دى وبجد وشها حلو علينا اجمل برنسيس

كلمات من نور يقول...

الله على جمال الأخبار

ربي يبارك فيك ويبارك في أولادنا وصحيح مصر خلفت رجاله

يارب يشد من عزم رجالك يا مصر

Sonnet يقول...

كل رمضان و انت بخير
تحياتى لحضرتك

mohamed ghalia يقول...

ما أخذ بالقوة لا يسترد إلا بالقوة
هههههههههههه
رجالة والله

mahasen saber يقول...

الله على المصريين وعلى ولاد الفلاحيين والصعايده والبحراويه والنوبيين
فعلا المصرى ده عنده عزيمه تمسح باستيكه مفهوم المستحيل بس لما بيوظف عزيمته صح

الحمد لله على نجاتهم

وشموسه وشها حلو على الجميع وانا بداية البشر اليى وشها كان حلو عليهم من بداية معرفتى بيها

كل سنه وهيا طيبه وكل سنه وحضرتك بالف خير وسلام

ماما أمولة يقول...

ربنا يصلح حالك ياعمرو

خبر حلو فعلا

بركة الايام الفضيلة

كل عام وانت بكل خير يارب

عاشقة الأحزان يقول...

السلام عليكم
عليه أفضل الصلاة والسلام

كل سنه وحضرتك طيب بجد خبر جميل قوووى


ربنا يكرمك يارب

مودتى

د. ياسر عمر عبد الفتاح يقول...

فعلاً أنا قرأت الفكر ,, وفرحت بيه جداً
فعلاً الناس دي رجالة بجد

ربنا يرجعهم منصورين

ليس فقيرا من يحب يقول...

السلام عليكم

طب مفيش تحيه للبلاد اللى دمبيها

واللى منها

وطبعا المصرين رجاله طول عمرهم

بس كلمه فى ودنك (مش كلهم)وخصوصا

مش قايله اللهم اجعل كلامنا

خفيف عليهم

كل سنه وحضرتك طيب يارب

رمضان كريم

فتاه من الصعيد يقول...

سلام لكل اهل البرلس

رجاله حقيقي 0000000 ودول المصريين بجد

أحــوال الهـوي يقول...

حتي في الاخبار لك السبق الصحفي

ما شاء الله عليك متابع

و شكرا للاخبار الجميلة و اللي ابهجني ان البلد اتحركت من اجل اولادها و كنا فاكرينهم نايمين

هي دي الروح اللي الجيل الجديد لازم يعيشها ان بلدهم مش ممكن تسيبهم

تحياتي

غير معرف يقول...

الى كل من شككوا في قدرات السلطات المصرية والقوة السيادية التي حررت الصيادين اسأل لماذا نحن شعب الاساطير اليوم فقط عرفت لماذا نتخلف فكيف لصيادين عزل أن يحرروا انفسهم وإذا كانت الاسلحة البيضاء معهم وهي التي ساعدتهم فلماذا لم تستخدم طوالة ما يقرب من خمسة اشهر لماذا ترفضون الفخر بكل ما هو جميل فيكم وفي وطنكم وتربطونه برغيف الخبز ألديكم شك فيمن عبروا في اكتوبر من جيش وقوات سيادية أم تصرون على تشويه كل جميل فنوجه التحية إلى السلطات المصرية التي حررت الصيادين بمجهودات سرية فليس من المطلوب أبدا وليس فردا أن تعلن السلطات عن خطوات كل جريمة هاجمتهالتستأذن الشعب في طريقة القبض على القراصنة حرب اكتوبر وغزوة بدر الكبرى نجحت وتحقق النصر بفضل الكتمان والسرية وزكاء السلطات المصرية كما كان الحال في رافت الهجان وجمعة الشوان أرجوكم بل واتوسل إليكم افخروا بمصر الجيش والزكاء والمحارب الجيد ولا تقتلوها وتحيوا في الاساطير وتعتبروا أن مصر هي أحمد نظيف فقط فمصر جيش باسل وشباب واعد وسلطات سيادية مصر أكبر من مجرد حكومة فلتحيا مصر وألف أهلا وسهلا بصيادينا في أحضان الوطن الحبيب مصر الكنانة

بسنت صلاح الدين يقول...

الحمد لله ربنا كريم و ابى الا ان يقضى هؤلاء الصيادين الجدعان شهره الكريم وسط اهلهم و اولادهم ،خبر جميل طبعا مش عاوزه اقولك كفر الشيخ و بالتحديد قريه البرلس مقيمه الافراح و مستنيين اولادهم بموكب المنتصرين لأنهم حرروا نفسهم بنفسهم و يكفينا فخر ان شباب مصر هما اللى تغلبوا على مجموعه العاطلين المجرمين اللى نشروا الرعب فى انحاء العالم،و عاوزه اقول لشموسه القمر شفتى بقى رجوعك مصر رجع ليها الفرح ازاى متغيبيش تانى بقى

واحده من الناس يقول...

يخرب عقلك ايه الجمال ده
فطستنى من الضحك
وياترى الصوماليين دول هييجوا بجد ولا كده وكده
احسن يتخطفوا ف السكه وشكلك فاهم يا نصه الكلام على مين
مبروك يا كفراوى وعقبال حال المصريين المايل كله
على رايك مستنيين كرامه
هههههههههههههههه

أم مالك يقول...

فعلا انا سمعت الخبر ده
والاكثر انه فعلا جايبين الاسرى معهم
والله الواحد فرح بالاخبار الحلوة ديه
ودول اللى يستاهلوا نقول لهم
والله وعملوها الرجالة
ربنا يبارك فيك
ودايما تبشرنا بالاخبار الحلوة
وقولى اخبار الرحلة ايه
انت حترمضن هناك ولا ايه
تحياتى

الازهرى يقول...

واضح جدا ان ما اختفى يزمين يظهر حاجات جديده

دقايق كده اركز واشوف ايه الموضوع وبعدها ارجع تانى

لكن على العموم انا دايما باراهن على قدرات الانسان المصرى وقت الشده وانا مطمن انى هاكسب الرهان

تحياتى دوما

عاشقة الأحزان يقول...

هههههههههههههههههههه

انت ما تعرفش ان الشعب المصرى بيتعصب بيعمل ايه

يكفيك الشر
هههههههههههههههههههه

مودتى

احساس طفلة محبة للرومانسية بس واقعية يقول...

الله الله ربنا يسعدك ويسعد باقى الشعب
هم الدول الرجالة ولا بلاش
واللهى لسة فيكى خير يا مصر
ولسة اولادك رجالة
مشاء الله ربنا يحمى شعبك ويحميكى

شكرا يا عمرو
تقبل مرورى

elsha3er يقول...

هم دول ولاد مصر

رجاااااااااااااالة

كل سنة وحضرتك طيب

تحيات


احمد الشاعر

ماما يقول...

انا شفت الخبر بس ماكنتش عارفه التفاصيل
طبعا ليك الشكر على انك فهمتنى الموضوع
بس اعتقد انها ضربة معلم برضه من المخابرات المصريه
وطبعا على طريقة حكومة نضيف
ماكنوش بيقولوا لانهم خافوا العمليه تخيب الشعب يقتلهم
لكن لما نجحت العمليه...بيسرسبوا الاخبار نقطه نقطه
المهم الف مبروك رجوع اهالينا واخواتنا
ورمضان كريم عليك وعلينا وعليهم
ولك كل تحيه وتقدير

mostafa rayan يقول...

كل سنهوانت طيب وبخير

Beram ElMasry يقول...

رمضان كريم
أعاده الله عليكم وجميع الأهل والأحبة باليمن والخير والبركة

الحب بين العرب فطرة وشئ مألوف
ولا يحسدوه من الخلق غير القرد والحلوف

norahaty يقول...

كل سنة وانــــــت
بخير حال استاذنــــا
رمضان كريم والله سبحانه
وتعالى أعز واعلى أكرم

سبهللة يقول...

كل سنة وانت طيب
بلغك الله الشهر
وعظم لك الاجر

عطش الصبار يقول...

كل سنه وانت طيب يا استاذ عمرو
فين الجديد
صحيح احنا بنسمع اغانى بتعبر عن مواقف لكن مشتاقين للكلمه
كل سنه وحضرتك بالف خير

Me7'o يقول...

كل سنة وحضرتك طيب ورمضان كريم

وتقبل الله منا ومنكم صالح الأعمال

تحياتى

عاشقة الأحزان يقول...

كل سنه وحضرتك طيب يا استاذ عمرو
ورمضان كريم

وادعوك لزيارة مدونتى التانيه

منتظراك

مودتى

http://nosaelnosakwanosa.blogspot.com/

قوس قزح يقول...

غسل الله قلبك
بماء اليقين
و اثلج صدرك
بسكينة المؤمنين
و بلغك
شهر الصائمين

.. * * . * * .
.* . . * . . *
* . رمضان . *
. * .كريم. * .
. . * . * . .
. . . * . . .

hasona يقول...

السلام عليكم

الحمد لله علي كل حال

المصري هيفضل مصري

النيل رواه حتي لو مش معاه

مش معاه فلوس ولكن له عقلية وشخصية جبارة

فشكووول يقول...

السلام عليكم عمرو بك

تحياتى

الحمد لله النت عاد وعدت معه
كل عام وانت بالف خير بمناسبة رمضان ويعيدها الله عليكم بالخير واليمن والبركات ونكون انا وانت السنه الجايه بنستعد للذهاب الى الحج ان شاء الله

رمضان كريم

فشكووول يقول...

السلام عليكم عمرو بك

تحياتى

الحمد لله النت عاد وعدت معه
كل عام وانت بالف خير بمناسبة رمضان ويعيدها الله عليكم بالخير واليمن والبركات ونكون انا وانت السنه الجايه بنستعد للذهاب الى الحج ان شاء الله

رمضان كريم

gogo!sf يقول...

ازيك يا استاذ عمرو

كل سنه وحضرتك طيب

كيــــــــــــارا يقول...

هييييييييييييييييييييييييه كل حاجه بقت فل

حمدالله علي السلامه يابابتي