~SUN~ Pictures, Images and Photos

الجمعة، 28 نوفمبر 2008

بين دبى و الشيخ زايد !!!

الراحله هبه العقاد
تحديث : يا جماعه أنا مش بأتكلم فى علاقه ماديه ظاهره بين الجريمتين .. و لكن بأتكلم فى طريقة تنفيذ الجريمه نفسها و دوافعها .. بأتكلم عن طريقة الذبح البشعه اللى تعرضت لها الراحلتين سوزان فى دبى و نادين فى الشيخ زايد .. بأتكلم عن الدافع الاٍنتقامى اللى يخللى اٍنسان يتجرد من أدنى مشاعر الرحمه و يفصل رقبة بنت فى عمر الزهور عن جسدها مهما كان سبب الخلاف بينهم و يطعن زميلتها عشرات الطعنات أغلبها فى الظهر و ده دليل على محاولة الفرار من القاتل اللى أصر على تكملة مجزرته المروعه ..
يعنى هل أصبح اٍنتقام الأثرياء اليومين دول بقطع الرقبه ؟ بالذبح ؟ بالطعن المتوحش حتى الموت ؟
أنا مش عارف اٍذا كانوا أعلنوا عن خبر اٍلقاء القبض على  صديق الراحله نادين و لا لسه ؟ عموما هو تم القبض عليه و ستظهر الحقيقه خلال ساعات اٍن شاء الله ..
بأقدم تعازى للفنانه ليلى غفران لمقتل اٍبنتها بطريقه وحشيه بالأمس .. و بأسأل مجرد سؤال : هل فيه صله بين مقتل الراحله سوزان تميم فى دبى و بين مقتل الشابه هبه بنت ليلى غفران فى مدينة الشيخ زايد فى مصر ؟
مجرد سؤال حبشتكانى فلسفى ..

هناك 18 تعليقًا:

غير معرف يقول...
أزال أحد مشرفي المدونة هذا التعليق.
Unknown يقول...

السلام عليكم ورحمة
الله تعالى وبركاته
الله ورسوله اعلم.
ولا حول ولا قوة الا
بالله العلىّ العظيم
إنا لله وانا اليه راجعون
والبقاءوالدوام لله وحده

رئيس جمهوريه نفسى يقول...

مبدئيا من عنوانك تقريبا الامارات وكل ما يتم ليها بصله حتبقى لعنه اما عن موضوع الوفاه فربنا يصبر اهلهم ويرحمهم ان شاء اللة

Sweet Violet يقول...

صدفه غير مقصوده

و ياريت تفضل غير مقصوده عشان الواحد خلاص

دماغه هتسافر منه

ان لله و ان اليه راجعون

أسامة وغيداء يقول...

يمكن مافيه علاقة بين قتل الضحتين ومجرد صدفة فقط , ولا حول ولاقوة إلا بالله

مفكر يقول...

السلام عليكم::

البقاء لله

أنا برصاحة مش محلل حبشتاكني

فمش هفيدك أوي في الموضوع

المهم

أخبارك ايه

فين المخاض يا باشا

انت قلبتنا ولا ايه

الازهرى يقول...

عزيزى عمرو

اعتذر عن غيابى

والعلاقة واضحة تماما وهو انه لا علاقة بالطبع
وارجوا ان تكتفى بهذا فيوجد الكثير من الامور التى تحتاج الى عقولنا مستعدة لها
ولا مكان للمزيد

تحياتى دوما

Unknown يقول...

اهي دنيا
البقاء لله وحده

Unknown يقول...

مش ناقصة يبقى فى علاقة بين هبه وسوزان لكن ممكن يبقى فى شخصية تانية على الساحة الايام الجاية.. ابن وزير ابن رجل اعمال ما هم دول اللى وخدين توكيل عزرائيل الايام دى!

عمرو يقول...

فير معرف
شكرا للتوضيح و لكن مش حناخد برضو بكلام الصحتفه لأنها غالبا مش بتكون دقيقه و ده عن نجارب كتير شفتاها
حنستنى لما تخلص التحقيقات و لينا راجعه

عمرو يقول...

norhaty
و عليكم السلام و رحمة الله و بركاته
فعلا الله و رسوله أعلم و حيظهر من التحقيقات مين المختل عقليا اللى أرتكب هذه المجزره البشعه

عمرو يقول...

رئيس جمهورية نفسى
صدفه غريبه أن الجريمه تقع فى مدينة الشيخ زايد الله يرحمه اللى كان حاكم لدولة الاٍمارات اللى وقعت فيها جريمة سوزان .. هى صدفه لكن بتحصل

عمرو يقول...

ضد التيار
نتمنى فعلا أنها تفضل صدفه غير مقصوده
اٍجمدى و حافظى على عقلك ده اسه بدرررررى ..

عمرو يقول...

أسامه غيداء
الله أعلم بالحقيقه بس أتوقع أنها حتظهر قريب جدا

عمرو يقول...

مفكر
مشكور للزياره يا صديقى
تابع التحقيقات و حتعرف أيه هى العلاقه اللى بأقصدها
المخاض جايه فى الطريق بس بعد بعض التعديلات اللى قلت لك عليها

عمرو يقول...

الأزهرى
حمدا لله على الصداقه يا صديقى و لعل كان سبب غيابك خير
العلاقه أنه الشيخ زايد رحمه اللخ كان حاكم لدولة الاٍمارات اللى فيها دبى
مش كفايه كده ؟

عمرو يقول...

اٍمرأة الميزان
نعم البقاء لله الواحد الباقى سبحانه علام الغيوب

عمرو يقول...

DOLA
الله ينور عليك