الأربعاء، 26 نوفمبر 2008

الطوبجى الأعمى !!

يعنى بالذمه ينفع الكلام ده ؟
موقف عيثى سيريالى لو عرض فى فيلم كوميدي من أفلام الكوميديا السوداء حيقول النقاد أنه شىء over غير قابل للتصديق ..
و لكن الحقيقه أنه حدث بالفعل فى خليج عدن من كام يوم ..
بناءا على تفويض من المجتمع الدولى أصبحت القوات البحريه الهنديه هى المسئوله عن حماية السفن و الناقلات العملاقه اللى بتمر من أمام سواحل الصومال الشقيق و أيضا مسئوله - للأسف - عن مطاردة و تدمير سفن القراصنه الصوماليين اللى كانت أصلا سفن صيد مهكعه لا تصلح لشىء ..
الكوميديا السوداء بقى أنه كان فيه سفينة شحن مملوكه لشخص عربى بتمر فى المنطقه لما بدأ القراصنه فى التحرك بسفينتهم النص لبه ناحيتها للسيطره عليها .. و هنا تنبهت الفرقاطه الهنديه للتحركات اللى مش طبيعيه و أتخذ قائدها على الفور قرارا بضرب سفينة القراصنه ..
هع هع هع
و بدلا من ضرب سفينة القراصنه قامت بضرب السفينه التجاريه اللى المفروض يحموها عن طريق الخطأ و غرقت فورا بحمولتها و بطاقمها فى حين تمكن القراصنه من الفرار بلنشهم المصدى !!!!
يعنى فيه كده يعنى ؟
طبعا صاحب السفينه الغارقه عمال يلطم فى وسائل الاٍعلام و بيقول ما معناه يا ريت كان الهنادوه سابوا القراصنه يخطفوا السفينه على الأقل يعنى كان حيبقى فيه أمل أنها ترجع لكن دلوقتى .... اٍهىء اٍهىء اٍهىء ( ده هو اللى بيأوأ )
آه يا قراصنة الصوماليين يا شوزات قديمه شكلكم كده حايجيلكم ولاد الفراعنه قريب يطحنوكم دفاعا عن مصالح الوطن و يعملوكم عشوه للسمك اللى حيعصر عليكم لمون علشان يرضى ياكلكم ..

هناك 17 تعليقًا:

مـحـمـد مـفـيـد يقول...

عنوانك لخص القضيه كلها

أحمد سلامــة يقول...

ولاد الفراعنة !!
ربنا يستر بس وميعملوش المعجزة وبدل ما يضربو سفن الضحية ولا سفن القراصنة يقومو ضاربين سفنهم نفسها
عارفهم
جبابرة ويعملوها

Mahmoud يقول...

بالنوسبة للعبارة الأخيرة:
"شكلكم كده حايجيلكم ولاد الفراعنه قريب يطحنوكم دفاعا عن مصالح الوطن و يعملوكم عشوه للسمك اللى حيعصر عليكم لمون علشان يرضى ياكلكم .."
أشك...
الريس حوسني مبارك لسه امبارح واول امبارح بيقولك الموضوع مش مشكلة والسفن التجارية مفروض تحط مدافع للدفاع عن نفسها وكلام من هذا القبيل... (توضع هنا علامة تعجب مقاس ٢٠ في ٦٠ سم)
يعني جناب المتضرر الأول -والأخير تقريباً على اعتبار ان زباين القناة في كافة الأحوال هايقدروا يجدوا بديل لبضاعتهم وعلى حساب المشتري أو شركات التأمين أو خلافه- فجناب المتضرر الأول بيقول لك مالناش دعوة شالله تولع بجاز..
ضع بجوار هاتين الواقعتين.. واقعة ان حضرة الأسطول الخامس الأمريكي مقضيها فسحة ولعب مع الدلافين في خليج عدن والبحر الاحمر.. تجد ان الحكاية فيها إن.. عفوا فيها بتاع خمسميت ان زي ما عودونا الأمريكان.. والريس كمان..
فإذا كان طوبجي الهنود أعمي فطوبجينا بيستعمى.. أو كما قال.. ماليش دعوة.

أحــوال الهـوي يقول...

هم يضحك......زي الليله الكبير فتح عينك تاكل ملبن .. غمض عينك نشن وسطن

بس الصورة المرفقه لا هي هندي و لا صومالي
و لا حتي من ولاد الفراعنة
يمكن تبع الطوبجي الاعمي

تحياتي يا فنان

عمرو يقول...

محمد مفيد
دى قضيه غريبه و مضحكه .. صدق من سماهم هنادوه

عمرو يقول...

أحمد سلامه
فاكر مشهد شغلتك على المدفع بللوم ههههه

عمرو يقول...

mahmoud
ليه هو مش وزير الخارجيهقال أن كل الخيارات مفتوحه للحفاظ على مصالح مصر القوميه ؟؟
قال و لا أنا بيتهيألى ؟؟
بجد هو مش قال كده ؟

عمرو يقول...

أحوال الهوى
أزيك يا صديقى ؟
الصوره المرفقه لمجموعة القراصنه الصوماليين اللى خطفوا ناقلة النفط السعوديه اللى شايله 100 مليون دولار نفط ..

صبرني يارب يقول...

عليك حاجات يا استاذ عمرو

ايه يعنى ده سفينه واحده يعنى مش مشكله

وبعدين مش انت نفسك بتقول اهو ان القراصنه سفنهم مهكعه ؟
غلااااااااابا

وبعدين الحق على الهنود يعنى انهم جايين يحموا السواحل الصوماليه ؟؟؟

امال ا نت عايز ايه يجيبلكم امريكان تاني بعد ما الصوماليين ازازوا الواد الامريكاني ؟؟؟

بدل كده حد يروح يجيب ششم للهنود يجلوا عنيهم حرام عليكم ده عنيهم تعبانه .

لو كان لنا ديه ما كانش كلاب السكك تهوهو علينا

الراجية عفو الله يقول...

السلام عليكم ورحمة الله وبركاته
لدي مشكلة عرضتها في مدونتي
http://la7zat200.blogspot.com/
ارجو اعاطئ رأيك

شكرا

اقصوصه يقول...

شو دخل الهند باليمن؟

صدق اللي يعيش يشوف!

عمرو يقول...

صبرنى يا رب
مش عارف ليه عندى اٍحساس كده أن مشكلة القراصنه دى مشكله مرسومه و متخطط لها كويس أوى أوى
يعنى منين شوية الصيع القراصنه دول جابوا أحدث الأجهزه القتاليه اللى بتطلب تقنيه عاليه لأستعمالها و لا توجد غير لدى دول معينه منها اٍسرائيل
و بعدين مسألة تدويل البحر الأحمر دى أصلا فكره برضو اٍسرائيليه
و كمان مين مصلحته ضرب ثلث اٍقتصاد مصر متمثل فى قناة السويس غير اٍسرائيل
و بعدين هل امريكا بأساطيلها الجباره و الدول الغربيه بجيوشهم الجراره و العرب بقواتهم المحتاره المهزاره مش قادرين على شوية قراصنه ذلوا الدول الكبرى و خلوا مراكبهم تروح حلوان عن طريق دمنهور ؟؟
يا جماعه ربنا ما حدش شافه بالعين و لكن عرفناه بالعقل و العقل هنا بيقول أن الموضوع كبير جدا جدا و أكبر من القراصنه الصيع اللى بيقطعوا الطرق على اللى رايح و اللى جاى
المسأله دى فيها دول .. دول خبيثه و دنيئه و جبانه

عمرو يقول...

الراجيه عفو الله
مافيش أحسن من أنك تصارحيه بما تعرفى و تنصيحه نصيحه أخويه لعلها تيجى بفايده اٍن شاء الله ..
بس ليه بتخشى على جهازه كتير كده ؟

عمرو يقول...

أقصوصه
أصل المجتمع الدولى فوض الهند فى اٍرسال أسطوله لمواجهة القراصنه
بس يظهر الهنادوه كانوا متقلين فى التوابل شويه فجالهم عمى حيسى بقوا مش عارفين يمينهم من شمالهم هههههه
اللى يعيش ياما يشوف صحيح !!

مفكر يقول...

السلام عليكم::

نشت يا فالح،،،(أنا بكلم الهنود)


تحياتي

norahaty يقول...

السلام عليكم ورحمة
الله تعالى وبركاته
لا حول ولا قوة الا بالله
بيعيط على السفينة
ومش همه الناس اللى غرقت !!
اد كده الارواح بقت رخيصة
فى عالمنا العربى والمسلم؟
وصيح ما كل يوم بيموت
مئات فى العراق وفلسطين
والشيشان ووووووغيرهم
ولا حد سامع ولا حد شايف !!!

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘