~SUN~ Pictures, Images and Photos

الاثنين، 8 ديسمبر 2008

الاٍيدز و أشياء أخرى !!


صباح الخير أيها المدونات و يا أيها المدونون ..

كل سنه و أنتم طيبين و بخير و اٍن شاء الله السنه الجايه نبقى صحبه على جبل عرفات باٍذن الله تعالى ..
خبر مؤسف للغايه جالى من شويه من صديق عزيز على قلبى و هو أنه تأكد من اٍصابته بمرض الاٍيدز ..

صديقى متزوج و عنده ولد وبنت صغيرين و زوجته سيده فاضله ست بيت محترمه و مهذبه و أغلب الظن أنها أصيبت بالاٍيدز هى كمان و قد اٍنتقل لها من زوجها و حاليا بتجرى هى و أطفالها تحاليل طبيه للتأكد من ذلك ..

صديقى يعمل فى شرم الشيخ و لم يكتفى بزوجته الطيبه بنت الناس و أمتدت عيناه للسائحات الأجنبيات بغير تمييز فحدث له ما حدث رغم نصائحنا الكثيره له كأصدقائه أن يتلم و يتقى الله فى بيته و لكنه كان يسخر مننا و يضحك و يقول : أنت أصلك أفلاحوكش و مالكش فى تنوع الفاكهه هع هع هع هع

طيب يا عم سامى ألف بعد الشر عنك يا صديقى .. أديك جربت أنواع الفاكهه الحمرا و البمبى و الصفرا و جالك أيدز يا صاحبى و غالبا نقلته لمراتك و أتنيلت على عينك و حتموت جتك ستين وكسه عليك و على خيبتك التقيله نكدت علينا فى العيد ..

اٍتقوا الله يا أخوانا و لا تقربوا الزنا اٍنه كان فاحشة و ساء سبيلا و لا حول و لا قوة اٍلا بالله العلى العظيم ..

آل فاكهه متنوعه آل جتك نيله طول عمرك دنى يا صاحبى ..

هناك 18 تعليقًا:

فاروق عادل يقول...

والله زعلت عشانة بس يستاهل وعموما العلم بيتقدم كل يوم وممكن يلاقوا علاج للايدز بكرة

أحــوال الهـوي يقول...

دائما ما اقول ان الطريق الي الخير و العفاف اصعب من الطريق الي الموبيقات و الدليل ان الله جعل الحسنة بعشر امثالها و يزيد لمن يشاء و السيئة بمثلها و عند التوبة تنقلب السيئات الي حسنات

كما قال صديقك انه تمتع بصنوف الفاكهة المحرمة لانها ميسرة و سهلة ولم يلجأ الي العفاف لانه به صعوبة كبح النفس و مقاومة المغريات و الشهوات

رحمه الله و شفاه و عصم المرض عن زوجته الطيبة و ابناءه

فمن يتقي الله يجعل له مخرجا

تحياتي

غير معرف يقول...

لو كل واحد افتكر قولى المولى عز وجل
(ولا تقربوا الزنا انه كان فاحشه وساء سبيلا )اعتقد انه مكنش ده حيحصل لاى حد

أمل حمدي يقول...

ربنا يسامحه ويغفر له اللهم امين

mahasen saber يقول...

gلا حول ولا قوة الا بالله

لو هنقول عقابه بمرضه تخفيف ذنوب
طب اسرته اليى اتهدت دى
وزوجته واولاده
حسبى الله ونعم الوكيل
لو كل واحد يتقى ربنا فى الامانه اليى فى رقبته

ربنا يعافيه ويخفف عنه
وربنا يجير مراته من المرض ده عشان الاولاد ميتبهدلوش

بس اعتقد يا استاذ عمرو ان الايدز كنت قريت انه اخر علاج منه جاب نتيجه بنسبه عاليه واليى استخدمه مايكل جوردان اعتقد هو لاعب كرة سله اميريكى مشهور وبيعانى من المرض ده بس نسيت اسمه

ربنا يشفى الجميع

وبعد ده كله عيد سعيد
النهارده اول يوم
ربنا يعوده على الجميع بكل خير

أسامة وغيداء يقول...

لاحول ولاقوة إلا بالله
شيء مؤسف وش ذنب زوجته وأطفاله الله يشفيهم ويهديه ويقولون في إيران اكتشفواعلاج للإيدز

مستر اكس يقول...

اقول لصاحبك هذا ...
عفوا نعف نساؤكم في المحرم
وتجنبوا ما لا يليق بمسلم
من يزني في بيت بألفي درهم
يزنى في بيته بغير الدرهم
ان الزنا دين فإن أديته
كان الوفا من أهل بيتك فاعلم
يا هانكا فطر الرجال
وقاطعا سبل المودة عشت غير مكرم
إن كنت يا هذا من سلالة طاهر
ما كنت هناكاً لحرمة مسلم

من غير عنـــوان يقول...

لا حول ولا قوة إلا بالله
وإنا لله وإنا إليه راجعون
حسبنا الله ونعم الوكيل

صبرني يارب يقول...

حسبنا الله ونعم الوكيل

طب هو وفى ستين داهيه معلش يعنى اصله يستاهل الرمرام الى بياكل من الزباله ده مش من طبق الفاكهه

لكن مراته ذنبها ايه ولا ولاده

طبعا ده قدرهم واللهم لا اعتراض لكن ربنا يطلف بهم

ويارب يكون ربنا نجى ولاده

وحياتك يا عمرو تبقى تقوله ادي اخرة الاكل من الزباله

حقيقى باحس ان الى بيكون بالطريقه دي بيمارس الجنس مع اي كلبه فى الشارع ده انه اقذر من الى بياكل من الزباله حتى

قرررررررررررف داتهم القرف


ربنا يعفى عنه لاجل خاطر عياله الى ما لهمش ذنب

عمرو يقول...

طالب ثانوى
أنا حزين علشانه يا فاروق و بأقول برضو يستاهل و يا عالم الموضوع حيخلص على أيه

أحوال الهوى
أيوه طبعا الطريق المستقيم أصعب مليون مره من الطريق العوج بس مين يفهم ؟

غير معرف
الغريبه أن البشر دى عارفين أن الطريق الغلط نهايته مش كويسه و لكن الغباء مسيطر على تفكيرهم الغبى و كمان العند

عمرو يقول...

ماما أموله
ربنا ينجى مراته و عياله اللى ماهمش أى ذنب

محاسن صابر
صباح الخير و كل سنه و أنتى طيبه
سمعت منه أن العلاد اللى بتقولى عليه بيطول شويه مدة البقاء على قيد الحياه و لكنه لا يشفى تماماو لم تثبت اٍطلاقا حالة شفاء واحده من الاٍيدز بالاٍضافه أن جرعات هذا الدواء لا يقدر على تمنها سوى مليونير بمعنى كلمة مليونير
ربنا يلطف بأسرته

أسامه و غيداء
فى اٍيران بيقولوا كلام كتييييير .. شكرا للمرور يا صديقى

مستر اٍكس
صدقت و صدق الشاعر و الله .. شكرا للزياره يا صديقى

عمرو يقول...

من غير عنوان
(و من يتق الله يجعل له مخرجا)
ربنا معاه و مع أسرته

عمرو يقول...

صبرنى يا رب
صباح الخير يا أم خالد و كل سنه و أنتى طيبه
على قولك ربنا ياخد بيده علشان عياله لسه صغيرين خالص بس ما أعتقدش أن حياته ممكن تستمر كما هى بعد ما أتعرف الموضوع و مراته و عياله راحوا يحللوا و حاجه يعنى وضع مؤسف
و ياما نصحناه يبطل رمرمه من الزباله و ما سمعش
ذنبه على جنبه

عمرو يقول...

كوشيا
أيه الحاجات الحلوه دى ؟!
عيد سعيد و كل سنه و أنتم طيبين :)

عمرو يقول...

أقصوصه
آسف جدا جدا أن رسالتك أتحذفت بغلطه منى .. سامحينى
كل سنه و أنتى طيبه و بعوده الأيام

سبهللة يقول...

ربنا يسامحك يا عمرو نكدت عليا فى العيد
انا مش زعلانة عليه
انا زعلت عشان الغلبانة مراته

غير معرف يقول...

تحياتى لك يا عمرو
اليوم العالمى لمرضى الايدز كان اول ديسمبر و البوست ده يناسبه جدا
ربنا يشفى صديقك و يهديه

شمس النهار يقول...

ياه عقاب ربنا هنا كبير قوي
بس هو بالنسبه له عقاب وتكفير ذنوب
وبالنسبه للبقيين ابتلاء من ربنا
ربنا يصبرهم ويجعله في ميزان حسنتهم